احشم الذاكره

يقول ابن هـذال للـي قـال فعـل ٍ ماذكـر
(قول ٍ بلافعل ٍ نشوفه)..يعني افهـم (ناكـره)
هو قالهـا ياصاحبـي يومنّهـا كانـت بكـر
وان الاصايل دايـمٍ ٍ لهـل الفعايـل شاكـره
ياصاحبي ماهمني جحـدان طيبـي وافتكـر
الطيب لهل الطيب دايم شـي مانـي حاكـره
المستحيل ان الجمايـل ردهـا واحـد نكـر
واللي جحدها مستحيل تخـون فيـه الذاكـره
ابسالك من هو وقفلك يومهـا ايامـك عكـر
ومن يوم جا رد الجمايل قلت .. ماني ذاكره ؟
ياصاحبي عادي وانا المصدوم وانت اللي مكر
لكن بطوّفهـا واعـرف ان الثعالـب ماكـره
انا حشمت الذاكره ودقيت من زولـك ذكـر
ماهو عشانك لا ولا من شـان شـي ٍ فاكـره
يمكن انا عكس البشر احشمك لو مـا تنذكـر
لن بمجرد ماتمر فينـي ....أحشـم الذاكـره